Eng ko‘p berilayotgan savollarga javoblar

Qabul jarayonlari 20 iyundan - 31 iyulga qadar mikrohudud doirasida, 1 avgustdan - 31 avgustga qadar mikrohududdan tashqari hududlardan qabul amalga oshiriladi.

Amaldagi qonun hujjatlariga muvofiq tuman, shahar hokimliklari qarori bilan mikrohudud belgilanadi, ya’ni maktablarga yaqin hududlar (mahalla, ko‘cha, ko‘p qavatli uylar) maktablarga biriktiriladi.

Har bir maktabda ota-onalarga qulay bo‘lgan, barchaga ko‘rinadigan joyda mikrohudud ma’lumotlari joylashtiriladi, shu yerdan bilib olishingiz mumkin.

Qonun hujjatlariga muvofiq, maktab ta’limi, ya’ni umumiy o‘rta ta’lim olish majburiy, shu bilan birga ta’lim oluvchilarga yashash joyidagi (mikrohududdagi) davlat umumiy o‘rta ta’lim muassasalariga qabul qilish huquqi kafolatlangan.

Albatta, buning uchun 1 avgustdan keyin Siz mikrohududdan tashqari hududlar bo‘yicha tanlagan maktabingizga farzandingizni joylashtirish uchun ariza bilan (elektron qabul amalga oshirilayotgan hududlarda elektron tizim orqali) murojaat etishingiz mumkin. Bunda, tanlagan maktabingizda o‘quvchi o‘rni, malakali pedagoglar bilan ta’minlanganligi, sinf xonalarning o‘quv mebellari bilan jihozlanganligidan kelib chiqib, qabul jarayoni amalga oshiriladi. O‘quvchi o‘rniga nisbatan ta’lim olayotgan o‘quvchilar soni ko‘p bo‘lgan maktablarda mikrohududdan tashqari qabul amalga oshirilmasligi mumkin. Bunday holatlarda hududiy boshqaruv idoralari Sizga yaqin hududdagi boshqa maktablarni tavsiya etadi.

Bunday holatda Siz tanlagan ta’lim tili mavjud bo‘lgan eng yaqin maktab biriktiriladi, bu haqida qo‘shimcha ma’lumotlarni hududiy boshqaruv idoralardan bilib olishingiz mumkin.

“Ta’lim to‘g‘risida”gi qonunga muvofiq, birinchi sinfga bolalar ular yetti yoshga to‘ladigan yilda qabul qilinadi. Mazkur qonun talabi barcha turdagi maktablar, jumladan nodavlat ta’lim tashkilotlari uchun ham taalluqlidir.

1-sinfga qabul elektron shaklda amalga oshirilayotgan hududlarda elektron tizim Ichki ishlar vazirligining manzil-ma’lumotlar axborot tizimi bilan integratsiya qilingan, elektron tizim orqali ariza berayotganingizda Sizning IIV bazasidagi mavjud manzilingiz, ya’ni doimiy ro‘yxatga qo‘yilgan manzilingizga bog‘langan. Agar hozirda yashash manzilingizga, ya’ni doimiy ro‘yxatdan o‘tmagan manzildagi maktabga joylashtirish uchun 1 avgustdan so‘ng ariza berishingiz mumkin.

Yo‘q. VM 295-son qarorining 1-bob 7-bandiga asosan: “Vaqtincha turgan joyi bo‘yicha ro‘yxatga olingan oila farzandlari 1 avgustdan so‘ng mikrohududdan tashqari bo‘sh o‘rinlar bo‘yicha umumta’lim maktabiga qabul qilinadi”.

Siz ro‘yxatdan o‘tish uchun kiritgan telefon raqami orqali my.maktab.uz tizimida avval ham ro‘yxatdan o‘tilganligi sababli shu xatolik yuzaga kelgan. Raqam “Call markaz” orqali o‘zgartiriladi.

Yo‘q, dastlab joriy yilning 31 iyuligacha faqat biriktirilgan mikrohududdagi bitta maktabga, 15 avgustgacha mikrohududdan tashqaridagi ikkinchi maktabga ariza yuborishingiz mumkin.

Elektron platformada shaxsiy ma’lumotlarni shakllantirganingizdan so‘ng, agarda sizning ma’lumotingiz “Inson” ijtimoiy xizmatlar markazining bazasiga bog‘langan bo‘lsa vasiyligingiz avtomatik belgilanadi.

Xorijiy fuqarolar yoki fuqaroligi bo‘lmagan shaxslar farzandlarini davlat xizmatlari portali my.maktab.uz yoki my.gov.uz platformalarida “chet el fuqarolari va fuqaroligi bo‘lmagan shaxslar farzandlarini O‘zbekiston Respublikasining umumiy o‘rta ta’lim muassasalariga qabul qilish” xizmatidan foydalangan holda ariza yuboradilar.

Elektron platformada shaxsiy ma’lumotlarni shakllantirgandan so‘ng, harbiy xizmatchi katakchasini belgilab, ish joyidan to‘liq yashash manzili ko‘rsatilgan ma’lumotnomani va harbiylikni tasdiqlovchi guvohnomani tizimga yuklagan holda ariza topshirishlari mumkin.